Энэ жил их дээд сургуульд элсэн суралцахаар нийслэл хотод ирсэн шинэ оюутан залууст зориулсан “Хотын соёл” аян эхэллээ.
Энэхүү аяныг дөрөв дэх жилдээ ШУТИС-д зохион байгуулж байгаа бөгөөд 11 дүгээр сар хүртэл үргэлжилнэ. Мөн 3000 гаруй оюутан хамрах тус аяны хүрээнд хотын соёлтой холбоотой 19 удаагийн лекц, семинарыг ШУТИС-ийн түүхийн багш нар, ЗЦГ-ын мэргэжилтнүүд заана. Уг аяны хүрээнд “flash mob” зохиохоор төлөвлөжээ.
Өнөөдөр зам тээврийн осолд өртөгсдийн дийлэнх нь 18-35 насныхан байгаа бөгөөд тэдний 40 гаруй хувийг оюутнууд эзэлж байна. Энэ аяны зорилго нь оюутнуудыг зам тээврийн ослоос урьдчилан сэргийлэх, соёлтой иргэнийг төлөвшүүлэхэд оршиж байгаа юм.