УИХ дахь Ардчилсан намын бүлэг Төрийн ордонд хуралдаж байна.
Хуралдаанаар шинэ Засгийн газрын бүтэц, бүрэлдэхүүний ямар байх тухайд байр сууриа нэгтгэж байгаа аж. Чуулган нээлтээ хийсэн энэ долоо хоногт Ерөнхий сайдын томилгооноос гадна 2018 оны төсөв, 2017 оны төсвийн тодотгол, мөнгөний бодлого зэрэг улс орны амин чухал асуудлууд орж ирээд буй.
Мөн намрын чуулганаар хэлэлцэх хууль, тогтоолуудтай холбоотой асуудлыг давхар хэлэлцэж байгаа гэж эх сурвалж мэдээллээ.
Харин МАН-ын бүлэг өнөөдөр хуралдах эсэх нь одоогоор тодорхойгүй байна. Тус бүлэг өнгөрөгч баасан гарагт урьдчилан хуралдаж, Ерөнхий сайдын томилгоог хэлэлцээд ирэх пүрэв гараг гэхэд Засгийн газрын тэргүүнийг томилсон байх нь зүйтэй хэмээн үзсэн юм.