Хөвсгөл аймгийн Тариалан сумын Сэлэнгэ багийн “Нүхтийн үзүүр” гэдэг газар сумын төвөөс урд зүгт 28 км-т иргэн 33 настай С гэгч эрэгтэй Сэлэнгэ мөрөнд осолдсон гэх мэдээлэл өнгөрсөн Ням гаригт ирсэн.Түүний цогцсыг эрж хайх ажиллагаанд Онцгой байдлын газрын 13 алба хаагч, орон нутгийн 36 иргэн оролцож байна.
Сэлэнгэ аймгийн Зүүнбүрэн сумын Бэлчир багийн “Бүдүүний гүүр” гэдэг газар Улаанбаатар хотын Хан-Уул дүүргийн гуравдугаар хорооны харьяат иргэн 32 настай эрэгтэй М загасчилж яваад “Орхон” голын усанд осолдсон гэх мэдээлэл хүлээн авчээ. Өчигдрийн байдлаар усаар 53 км, явганаар 65 км хайж гүний шумбалтыг хоёр удаа хийсэн ч олдоогүй. Эрлийн ажил үргэлжилж байна
С.ОЮУНЖАРГАЛ