Цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 47 жолоочийг илрүүлэн саатуулж, хуулийн дагуу энэ сарын 6-нд хариуцлага тооцжээ. Тухайн өдөр Замын цагдаагийн албаны жижүүрийн шуурхай удирдлагын хэлтэс нийт 393 дуудлага, мэдээ мэдээлэл хүлээн авснаас, зам тээврийн ослын 330 дуудлага бүртгэгдсэн бөгөөд осол, хэргийн улмаас нийт арван хүн гэмтэж бэртжээ. Үүнээс зургаа нь бага насны хүүхэд байсан гэнэ. Бүгд явган зорчигч хэлбэрээр замын хөдөлгөөнд оролцож байх үедээ зам тээврийн осолд өөртөж гэмтэж бэртсэн байна. Бүртгэгдсэн осол, хэргийг гарсан хэлбэрээр нь авч үзвэл явган зорчигч мөргөж гэмтээсэн таван ослын улмаас есөн хүнд хөнгөн байдлаар гэмтэж, мөргөлдөх хэлбэрээр таван осол тус тус бүртгэдсэнийг шалгаж байгаа гэв. Тухайлбал, Баянзүрх дүүргийн нутаг Д.Нянтайсүрэнгийн гудамж Улаанхуарангийн замд “V.touareg” маркийн автомашины жолооч Б нь явган зорчигч 26 настай М, 4 настай С, хоёр настай С, долоон сартай С нарын дөрвөн хүнийг мөргөж гэмтээсэн хэргийг Замын цагдаагийн албаны Мөрдөн шалгах хэлтэст шалгаж байгаа аж.