Унгарын нийслэл Будапешт хотод жүдо бөхийн насанд хүрэгчдийн ДАШТ өндөрлөх шатандаа орлоо. Өнөөдөр тус тэмцээний -100, +100, +78 кг-ын жинд манай улсаас дөрвөн бөх зодоглоно. Тухайлбал эрэгтэйчүүдийн -100 кг-ын жинд Азийн наадмын хүрэл медальт, ОУХМ Л.Отгонбаатар барилдах бол +100 кг-д олимпийн алт, мөнгө, багийн ДАШТ-ий хүрэл, Азийн аварга, Хөдөлмөрийн баатар, гавьяат тамирчин Н.Түвшинбаяр, Парисын их дуулгын хүрэл медальт Ө.Дүүрэнбаяр, эмэгтэйчүүдийн +78 кг-д Дэлхийн цомын хүрэл, Азийн АШТ-ий хошой хүрэл медальт Б.Мөнхтуяа нар өнөөдөр дэвжээнд гарах юм. Сонирхуулахад Н.Түвшинбаяр, Ө.Дүүрэнбаяр барилдах жинд 128 барилдаан дараалан ялалт байгуулаад буй олимпийн хошой, дэлхийн найман удаагийн аварга Францын алдарт жүдоч Тедди Ринер байгаа бөгөөд хоёрдугаар тойрогт манай бөх Ө.Дүүрэнбаяртай таарах магадлалта байна.