УИХ дахь Ардчилсан намын бүлэг өнөөдөр хуралдаж, Засгийн газарт хариуцлага тооцох нь зүйтэй гэж үзжээ.
АН-ын бүлгийн дарга Д.Эрдэнэбат мэдээлэхдээ “УИХ дахь Ардчилсан намын бүлэг Засгийн газрыг огцруулах асуудлыг нухацтай авч үзэж Л.Болд гишүүнээр ахлуулсан ажлын хэсгийг томилон МАН-ын байр суурийн зөрүүтэй байгаа хоёр талтай уулзаж мэдээлэл авсан . Мөн түүнчлэн Ардчилсан намын Улс төрийн зөвлөлөөс намын бүлэгт ирүүлсэн зөвлөмж зэргийг үндэслэн Засгийн газарт хариуцлага тооцох нь зүйтэй гэсэн шийдвэрт хүрч нэгдмэл байр суурьтайгаар чуулганы хуралдаанд оролцохоор шийдвэрлэлээ. Бүлгийн хуралдаанд зургаан гишүүн оролцсон бөгөөд томилолттой байгаа гурван гишүүнд мэдээлэл өгч саналыг нь сонссон” гэв.