УИХ дахь МАН-ын бүлэг 10.00 цагаас үргэлжлүүлэн хуралдахаар товлосон ч гишүүдийн ирц бүрдэхгүй хүлээгдэн, 14.00 цагийн орчимд эхэлсэн юм.
Тус бүлэг өчигдөр хуралдсан ч нэгдсэн шийдэлд хүрч чадалгүй өндөрлөж, өнөөдөр үргэлжлэн хуралдахаар болсон. Бүлгийн хуралдаанд өнөөдөр УИХ-ын дарга М.Энхболд, Ерөнхий сайд Ж.Эрдэнэбат зэрэг 40 гаруй гишүүн оролцож байна.
Хуралдааныг түр завсарлуулж, дараа нь байнгын хороо хуралдах төлөвтэй байна.
Бүлгийн хуралдааны үеэр зарим гишүүн МАН-ын Бага хурал дээр асуудлыг ярилцаж намын гишүүдийнхээ үгийг сонсох ёстой гэсэн байр суурь илэрхийлжээ. Гэсэн ч УИХ-ын байнгын хороодыг хуралдуулж, хуульд заасан хугацаанд багтаж чуулганы нэгдсэн хуралдаанаар Засгийн газрын асуудлыг хэлэлцэх ёстой гэж зарим нь үзжээ.