Шотланд, АНУ, Оросын эрдэмтдээс
бүрдсэн баг хүний элэгний доторх цөсний сувгуудын эсүүд нь элгийг нөхөн
төлжүүлэх процесст оролцдог болохыг баталжээ. Эдинбургийн нөхөн төлжүүлэх
анагаах ухааны төв, Массачусетсын технологийн хүрээлэн, Оросын Сколковын шинжлэх
ухаан, технологийн хүрээлэнгийн эрдэмтдийн уг нээлт элэгний бүх төрлийн өвчин,
түүний дотор элэгний хатуурлыг эмчлэхэд ихээхэн туслах юм.
Элэгний эсүүд-гепатоцитүүд нь
нөхөн төлжих чадвартай энэ процесс ч хурдан явагддаггүй ажээ. тиймээс эрдэмтэд
элэгний хувьд үүдэл эсийн үүргийг гүйцэтгэхийн зэрэгцээ элэгний зөөлөн эдийг
нөхөн сэргээж чадах өөр эсүүдийг хайх шинжилгээний ажлаа эхлүүлсэн байна.
шинжилгээний ажлын хүрээнд эрдэмтэд элэгний цөсний сувгуудын эс-холангиоцитыг
шалган туршилтыг хулгана дээр явуулсан. Туршилтын хулгануудын элгийг нь
гэмтээгээд, дараа нь элэг нь хэрхэн нөхөн сэргээгдэж байгаа явцыг ажиглажээ.
Хулгануудын элэгний зөөлөн эд энэ бүхнээс үл хамааран нөхөн сэргэсэн эсүүдийн
эх үүсвэр нь холангиоцит болжээ. Холангиоцитүүд цөсний сувгуудаас гарч гэмтсэн
гепатоцитуудын оронд элэгний эс болон хувирсан гэдгийг олж тогтоосноор бүх нууц
тайлагдав.
Эрдэмтдийн үзэж байгаагаар, дээрх механизмын аргаар элэг нөхөн төлжих нөөц
боломж нь гепатоцитуудын тусламжтайгаар нөхөн сэргэх механизмаас илүү өндөр
байж магадлалтай юм. Одоо эрдэмтэд элэгний цирроз өвчин туссан хүнийн элгийг
өвчтөнд өөрийнх нь холангиоцитуудыг шилжүүлэн суулгах замаар нөхөн сэргээж
сурахаар төлөвлөж эхэлжээ.