“Элбэгдорж хүрээлэн”-гээс “Ирээдүйн олон улсын Монгол судлаачдыг дэмжих “EBI” хөтөлбөр” хэрэгжүүлж буй.
Хөтөлбөрт ОХУ, АНУ, Япон, БНСУ, Швейцарь, Энэтхэг, Польш зэрэг долоон улсын есөн залуу тэнцсэн билээ. Тэд энэ сарын 7-16-ны өдрийг хүртэл Монголын хэл, түүх, соёл, зан заншил, Монгол ахуйтай танилцаж байна.
Долоон улсын есөн залуу энэ сарын 10-13-ны хооронд монгол ахуйтай танилцах аялалдаа гарсан юм. Тэд Төв аймгийн Борнуур сумын малчин н.Жанцалнямынд гурван өдрийг өнгөрүүлжээ. Гэрийн эзэн ирээдүйн Монгол судлаачдад морь унах арга ухаан зааж сургажээ.
Гэрийн эзэгтэй Пүрэвсүрэн үнээ, ямаа саах, цагаан идээ хийх аргачлалыг заажээ. Залуус малчдын өдөр тутмын ажлыг хийж, гурван өдрийг өнгөрүүллээ. Тэд малын бууц цэвэрлэж, өрөм, тараг, ааруул, бяслаг зэрэг цагаан идээг өөрсдөө хийсэн байна.