Арилсан хутагтын орны номын их элч Бакула Ринбүүчийн хойд дүр 20 дахь Бакула Ринбүүчи Монголын Даншиг наадмыг үзэж, сонирхох гэнэ. Тэрбээр энэ сарын 17-нд Түвд рүү буцах юм байна. Даншиг наадамд Монголын өнцөг булан бүрээс цугларсан 1000 орчим лам хувраг ирж, оролцоно гэдгийг зохион байгуулагчдын зүгээс хэлж байсан.
Түүнийг Бэтүб Данжай Чойнхорлин хийдийн арслант ширээнээ залах шашин номын ёслолын үйл ажиллагаа энэ сарын 27-ны өдрийн болсон билээ. Бакула Ренбүчигийн 20 дахь дүр Данзан Агваан Жигмид Ванчиг нь өдгөө 11 насыг зооглож байгаа бөгөөд Энэтхэгийн Ладакийн Нубра тосгонд эцэг Доржцэрэн, эх Сономдолгор нарын гэрт мэндэлжээ.
Дээрхийн гэгээн Далай ламтан 2008 оны хоёрдугаар сарын 26-ны түмэн өлзий бүрдсэн билэгт сайн өдөр Бакула Архадын хорьдугаар дүр тодорсныг тунхаглан зарлигдсан байдаг. Харин 2010 оны наймдугаар сарын 12-ны сайн өдөр Ладакийн Бэтүб хийдэд хутагт ширээнд нь залжээ. Ийнхүү Бакула багш эх дэлхийдээ дахин мэндэлсэн бөгөөд хойд дүр нь Монголд харин анх удаа залран ирээд байгаа билээ.