Хүний нүдний доод зовхи татахаар бид биед магни, кальци дутагдаж ядаргаанд орж байна гэж ойлгодог. Тиймээс магнигаар баялаг зөгийн бал, арвайн гурил, хөц будааг хэрэглэдэг. Мөн нүднийхээ зовхийг татахаар баяр, гомдлын аль нь бол гэх зэргээр зөн совингоо тайлахыг оролддог. Гэвч эрт дээр үеэс эцэг өвгөд маань эдгээрийг шинжин, мэдэрч нууцыг нь тайлж бичиг судартаа үлдээжээ. Үүний нэг нь Хас хуурцагнаас (Хаш хуурцаг) хуулсан ‘’Бороо салхи шинжих бичиг’’ сударт энэ талаар ингэж бичжээ.
