“Goldman Sachs” төмрийн хүдрийн ханш таамаглаж байснаас өсөх төлөвтэй гэж мэдэгдлээ. Урд хөршийн эрэлт өсөх учраас үнэ өснө гэсэн таамаг гарсан байна.
Тус байгууллагаас төмрийн хүдрийн ханшийг ойрын гурван сарын хугацаанд 55 ам.доллар байна гэж таамаглаж байсан юм. Тэд таамгаа 70 ам.доллар болгож өсгөжээ.
Жилийн эцэст ханшийн төлөв таван ам.доллараар нэмэгдэж, 60 ам.доллар болно гэсэн өөдрөг таамгийг ч “Goldman Sachs”-ийн зүгээс дуулгалаа. Сүүлийн хэдэн долоо хоногийн хугацаанд Хятадын эрэлт нэмэгдсэнээс шалтгаалж нэг тонн төмрийн хүдрийн ханш 70 ам.доллараас давж гараад байгаа билээ.