Хэнтий аймгийн хувьд нийт 4.8 сая толгой мал өвөлжих ч хадлан тэжээл бэлтгэх боломжгүй байна. Иймээс өөр аймгийн нутгаас хадлан, тэжээл бэлтгэх боломжоор хангаж өгөхийг энэ үеэр салбарын сайдаасаа хүсч байв. Аймгийн хэмжээнд энэ хавар 28400 га-д тариалалт хийсэн ч хэт халалтын улмаас ургац алдахаар байна. Малын шүлхий өвчнөөс урьдчилан сэргийлэх шүлхий вакцин шаардлагатай. Есөн сумын үхэрт шүлхий өвчнөөс урьдчилан сэргийлэх дархлаажуулалт хийсэн байсан нь хугацаа дуусаж буй аж. Иймээс энэ асуудалд анхаарч, вакцин нийлүүлэхийг хүссэн.