Солонгосын дайн дууссан ойн өдрийг угтан Хойд Солонгос шуудангийн маркийн шинэ цуглуулга гаргажээ.
АНУ-ын эсрэг империалист, түрэмгийлэл, дайсагнал бүхий үзэл суртлыг тасралтгүй явуулсаар ирсэн Хойд Солонгос энэ удаад ч мөн анти-Америк үзэл шингэсэн хоёр марк гаргасан байна. Капитол Хилл рүү чиглэсэн пуужингийн хошуу, АНУ-ын пуужинг зангидсан нударгаар нугачин дарж буй зураглал бүхий тэдгээр маркийг цуглуулагчдад зориулсан аж.
Хойд Солонгосын маркийн корпорациас нийт 70 төрлийн загвар, хийц бүхий цуглуулга хэвлэжээ. Тэдгээр нь анти-Америк үзэл суртлаас гадна Хойд Солонгосын түүхэн хувьсгал, Ким Чен Уны ноёрхол, мөн зам тээвэр, дэд бүтэц, инноваци гээд өргөн сэдвийг хамарсан байна. Түүнчлэн мөөг, хавч хэлбэртэн, шатар зэрэг нийтлэг дүрслэл бүхий марк ч гаргажээ.