Төрийн албыг 60 тэрбумаар худалдах тухай бичлэг задарснаас хойш олон хүн эсэргүүцлээ илэрхйилж байгаа. Мөн эргэлзэж байгаа юм. Тэдний нэг болох АНУ-д амьдарч буй Монгол Улсын иргэн Ц.Батмөнх 27 дахь өдрөө өлсгөлөн зарлаад байгааг бид өмнө мэдээлсэн билээ. Түүнийг энэхүү улс төрийн хурц тэмцлийн хэлбэрээ зогсоож, эрүүл мэнд амь насаа эрсдэлд оруулахаа зогсоохыг Ардчилсан намаас уриаллаа. Хэдийгээр нэг иргэн нь амь нас, эрүүл мэндээ золиослон Төрийн эсрэг гэмт хэргийн эсрэг тэмцэж байгаа ч өнөөгийн эрх баригчид энэ талаар үл тоосоор байгаа юм. Гэсэн ч 60 тэрбумаар төрийн албыг худалдах тухай 90 минутын бичлэг “Эвлүүлэг” биш болохыг олон улсын шинжээчид нотолж, хөдлөшгүй баримт бүрдсээр байгаа юм.
