Монголын Пара-Таеквондогийн үндэсний шигшээ багийн тамирчид Ази Тивийн аварга шалгаруулах тэмцээнд амжилт арвинтай оролцлоо. Тодруулбал, нийт 19 орны 100 гаруй тамирчид оролцсон уг тэмцээний К44 ангиллын 61кг-ийн жинд Г.Болор-Эрдэнэ алтан медаль, эмэгтэйчүүдийн K44 ангиллын 49кг-д Х.Энхтуяа алтан медаль, К43 ангиллын 61 кг-ийн жинд Ц.Даваачулуу мөнгөн медаль, К42 ангиллын 61кг-д Б.Шинэбаяр хүрэл медаль тус тус хүртсэн байна. Мөн тэмцээний шилдэг тамирчнаар Монгол улсын Пара-Таеквондогийн үндэсний шигшээ багийн тамирчин Х.Энхтуяа шалгарчээ.