Элсэлтийн ерөнхий шалгалтын хариулт буюу түлхүүр үгийг Боловсролын үнэлгээний төвөөс танилцууллаа. ЭЕШ-ийн дүн оноо долдугаар сарын 01-ний 09:00 цагаас эхлэн www.eec.mn хаягаар орж харах боломжтой. Харин бүртгэлийн дугаар, нууц үгээ мартсан бол Шалгуулагчийн булангийн Бүртгэлийн дугаар, нууц үгээ мартсан гэсэн хэсэгт дарж, бүртгэлийн дугаар, нууц үгээ сэргээж авч болно. Мөн та өөрийн бүртгүүлсэн гар утаснаас манай SMS үйлчилгээг ашиглах боломжтой. Уг үйлчилгээг дараах зааврын дагуу ашиглана уу. http://sms.eec.mn/home/zaavar. Мөн маргаашнаас эхлэн батламж хуудсыг тараана. ЭЕШ өгсөн энэ оны төгсөгчид сургуулийнхаа захиргаанаас батламж хуудсаа авах бол нийслэлд ЭЕШ өгсөн өмнөх оны төгсөгчид Боловсролын үнэлгээний төвөөс батламж хуудсаа авна. Хөдөө орон нутагт ЭЕШ өгсөн өмнөх оны төгсөгчид тухайн аймгийнхаа Боловсрол, соёл, урлагийн газрын ЭЕШ хариуцсан мэргэжилтнээс батламж хуудсаа авна. Уг батламж хуудас нь шалгалт өгснөөс хойш 2.5 жилийн хугацаанд хүчинтэй байна.
Их дээд сургуулиудын бүртгэл, оюутан элсүүлэх журам, хуваарь сонголттой холбоотой мэдээллүүдийг Монголын их, дээд сургуулиудын консорциум / http://www.cmuc.edu.mn / -аас лавлах боломжтой.
Н.ГАНАА