Сонгуультай холбоотойгоор түр завсарлаад байсан УИХ-ын чуулган өнөөдрөөс хуралдана. Намын бүлэг, байнгын хороодын хуралдааны тов зарлагдсан.
УИХ дахь АН-ын бүлэг “Их эзэн Чингис хаан” танхимд хуралдаанаа эхлүүлсэн. МАН-ын бүлэг харин хуралдахгүй гэж шийджээ. АН-ын бүлгийн хуралдаанаар энэ долоо хоногт чуулганаар хэлэлцэх асуудлуудаар байр сууриа нэгтгэж байгаа юм байна. Тус бүлгийнхэн Төрийн албаны тухай хуулийн шинэчилсэн найруулгын төслийг хэлэлцэж байна.
Бүлгийн хуралдааны дараа Төрийн байгуулалтын байнгын хороо, Нийгмийн бодлого, боловсрол, соёл, шинжлэх ухааны байнгын хороо хуралдахаар товлосон юм.