“Монголын энтрепренёр ээжүүдийн холбоо” ТББ-ын санаачлагаар, Нийслэлийн тээврийн газартай хамтран нийтийн тээврийн 1000 автобусанд жирэмсэн болон хүүхэдтэй ээжүүдэд зориулсан ЯГААН СУУДАЛ байршуулах аяныг эхлүүлж байна. Нэг автобусанд зориулалтын хоёр ягаан суудал байх бололтой.
Хүүхэд гэр бүлд ээлтэй орчин үйлчилгээг дэмжих эерэг хандлагыг түгээх зорилгоор Олон улсын стандартаар бүтсэн, хотын соёлыг илтгэсэн тус суудлын бүрээсийг хүлээлгэн өгөх арга хэмжээ 2017 оны 06-р сарын 30-ны 15:00 цагт Автобус бaазын 1-р нэгтгэл дээр зохион байгуулагдана гэж Нийслэлийн хүүхэд гэр бүлийн хөгжлийн газраас мэдээллээ.
Нийтийн тээврээр зорчдог жирэмсэн болон хүүхэдтэй ээжүүдэд зориулсан суудал тодорхой зааж өгөөгүйгээс шаардлага тавих үндэслэл бүрдээгүй юм.
Тэгвэл “Монголын Энтрепренёр Ээжүүдийн Холбоо” ТББ-аас Нийслэлийн нийтийн тээврийн 1000 автобусанд Жирэмсэн болон хүүхэдтэй ээжүүдэд зориулж ягаан суудал бий болгох нөлөөллийн аяныг эхлүүлсэн байна.