Цагдаагийн ерөнхий газраас Монгол Улсын Ерөнхийлөгчийн сонгуульд нэр дэвшиж буй С.Ганбаатар нь БНСУ-ын иргэн Юү Ван Сүгээс 50 сая вон авсан эсэх асуудлыг шалгасан билээ. Шалгалтын явцад “Нотлох баримтуудаар С.Ганбаатар нь өөрийн гэртээ хандив авсан болох нь тогтоогдсон” гэж мэдээлсэн юм. Улмаар шүүхт шилжүүлсэн ч Баянзүрх дүүргийн Эрүүгийн хэргийн анхан шатны шүүхээс дутуу шалгасан гэсэн үндэслэлээр буцаагаад байгаа. Тэгвэл Шүүхээс тавьсан шаардлагын дагуу Цагдаагийн байгууллага уг хэргийг шалгаад, дахин 17:20 цагт Баянзүрх дүүргийн Эрүүгийн хэргийн анхан шатны шүүх руу шилжүүлжээ. Ажлын цаг дуусч байсан учир шүүх хэргийг нягтлах боломжгүй гэж үзсэн гэв. Иймээс энэ хэргийг ажлын өдөр болтол буюу энэ сарын 27-ны өдрийг хүртэл хойшлуулсан байна.