Цаг уур орнчны шинжилгээний хүрээлэнгээс зургаадугаар сарын 24-нөөс ихэнх нутгаар халж, хурц нартай байхыг анхааруулж байна. Тэр дундаа Дархадын хотгор болон Хангай, Хөвсгөл, Хэнтийн уулархаг нутгаар шөнөдөө 8-13 градус, өдөртөө 26-31 градус хүрч халах гэнэ. Мөн Их нууруудын хотгор, говийн бүс нутгийн өмнөд хэсэг, Дорнод Монголын тал нутаг болон Орхон-Сэлэнгийн сав газраар шөнөдөө 17-22 градус, өдөртөө 33-38 градус,
Бусад нутгаар шөнөдөө 14-19 градус, өдөртөө 29-34 градус байх аж.
Мөн 24-нд баруун аймгуудын нутгийн баруун хэсэг болон зүүн аймгуудын нутгийн зарим газар, 25-26-нд баруун аймгуудын нутаг, төвийн аймгуудын баруун хойд хэсгээр, 27-нд баруун аймгуудын нутгийн зүүн хэсэг болон төвийн аймгуудын нутгийн баруун хэсгээр түр зуурын бороо орох юм байна.