Чингэлтэй хайрханы хишиг барилдаан бямба гарагт бөхийн өргөөнд болж Ховд аймгийн Чандмань сумын харьяат, улсын начин Ч.Цогбаяр түрүүллээ.
Энэ барилдаанд улс, аймгийн алдар цолтой 104 бөх хүчээ сорьсон бөгөөд Ховд аймгийн Зэрэг сумын харьяат, улсын харцага Б.Бат-Өлзий үзүүрлэв. Их шөвөгт Сэлэнгэ аймгийн Баруунбүрэн сумын харьяат, аймгийн арслан Э.Тулга, Хөвсгөл аймгийн Их-Уул сумын харьяат, аймгийн арслан Б.Даваа-Очир нар шалгарлаа.