Петербургийн олон улсын эдийн засгийн форумд оролцож буй Монгол Улсын Ерөнхий сайд Ж.Эрдэнэбат өчигдөр Евразийн эдийн засгийн комиссын тэргүүн Тигран Саркисянтай уулзалт хийжээ. Тэрээр уулзалтын үеэр, хэд, хэдэн чухал асуудлыг хөндөж ярилцсан байна.
Тухайлбал, хоёр талын хамтын ажиллагааг өргөжүүлэх, худалдааны харилцаанд учирч буй саад бэрхшээлийг арилгах тал дээр хамтарч ажиллахын төлөө байгаагаа илэрхийлсэн байна. Мөн Евразийн эдийн засгийн зөвлөлтэй чөлөөт худалдааны бүс байгуулах гэрээ байгуулахад бэлэн гээд энэ асуудлыг судлуулахаар хамтарсан ажлын хэсэг гаргах саналыг Тигран Саркисянд тавьжээ. Түүнээс гадна БНХАУ-МОНГОЛ-ОХУ-ын нутгаар дайрсан тээвэр, ложистикийн сүлжээг байгуулах нь хоёр талын хамтын ажиллагааг өргөжүүлэх том боломж гэж харж байгаагаа илэрхийлсэн байна.