Өмгөөллийн байгууллага бий болсны 89 жилийн ойг тохиолдуулан Монголын Өмгөөлөгчдийн Холбоо, Хүний эрхийн Үндэсний Комисс, НЗДТГ хамтран “Өмгөөлөгч-Танд тусалъя” иргэдэд үнэ төлбөргүй хууль зүйн зөвлөгөө өгөх өдөрлөгийг Сүхбаатарын талбайд энэ сарын 28-ны өдөр зохион байгуулах гэнэ.
1928 оны тавдугаар сарын 28-ны өдрийн Улсын бага хурлын тэргүүлэгчдийн 52-р тогтоолоор “Шүүн таслах тухай олон ардад тусламж үзүүлэх бүлгэм” нэртэй байгуулснаар Монголын Өмгөөллийн байгууллагын эх суурь тавигдаж байжээ.