Үндэсний бөхийн ээлжит бус “Их эе”-ийг энэ сарын 28-нд хуралдуулахаар болжээ. Энэ талаар Ажлын хэсгээс мэдээллээ.
“Монгол улсын Дээд шүүхийн Хяналтын шатны Иргэний хэргийн шүүхийн 2003 оны 403 дугаар тогтоолыг МҮБХ хэрэгжүүлээгүй тул нийслэлийн Шийдвэр гүйцэтгэх албанаас 2014 онд МҮБХ-ны Цэцдийн зөвлөлийг албадан хуралдуулж, Ажлын хэсэг томилсон. Цэцдийн зөвлөлөөс томилогдсон Ажлын хэсгээс зохион байгуулж буй Ээлжит бус “Их Эе”-д идэвхтэй оролцохыг бөхчүүд, бөхийн зүтгэлтэн, засуул цэц, аймгийн бөхийн холбоодод уриалж байна” гэх мэдээллийг ‘Их Эе’-ийг зохион байгуулах Ажлын хэсгийн гишүүд өглөө.
Харин МҮБХ-ны зүгээс энэ тухайд албан ёсоор тайлбар хийгээгүй байна.