Өмнөх парламент Эрүү, Зөрчлийн хуулийг процессын хуулиудтай нь хамт баталж өнгөрсөн оны есдүгээр сарын 1-нээс хэрэгжүүлэхээр төлөвлөөд байсан юм. Гэвч эцсийн найруулгыг нь сонсч эцэслэн батлаагүй, эдийн засгийн хүндрэлтэй үед хэрэгжүүлэх боломжгүй гэдэг шалтгаанаар сонгуулийн дараа УИХ хэрэгжүүлэх хугацааг нь хойшлуулж ирэх долдугаар сарын 1-нээс хэрэгжүүлж эхлэхээр төлөвлөсөн. Гэхдээ эрх баригчид өмнөх парламентын үед батлагдсан эдгээр хуульд өөрчлөлт оруулж хэрэгжүүлэхээр Засгийн газраас хуулийн төсөл өргөн барьсан. Үүнийхээ дагуу өнгөрсөн долоо хоногт УИХ Эрүүгийн хуулийг баталсан бол дөнгөж сая Эрүүгийн хэрэг хянан шийдвэрлэх тухай хуулийн шинэчилсэн найруулгыг баталлаа.