МҮОХ-ны шинэчлэн байгуулагдсан Гүйцэтгэх зөвлөлийн гишүүдийн хурал болж өнгөрлөө. Тус хуралдаанаар 2017-2021 оны стратеги төлөвлөгөө, 2017 оны ажлын төлөвлөгөө, төсвийг хэлэлцжээ. Мөн “Токио-2020” Зуны олимпийн наадмын Монголын багийн ахлагчаар МҮОХ-ны Тэргүүн дэд ерөнхийлөгч Б.Баттүшиг, “Ашгабат-2017” Азийн танхимын болон тулааны спортын наадмын багийн ахлагчаар МҮОХ-ны Гүйцэтгэх зөвлөлийн гишүүн Ж.Түмэн-Аюушийг тус тус сонгов. Түүнчлэн МҮОХ-ны гишүүдийн хурлыг ирэх тавдугаар сарын 26-ны өдөр хуралдуулахаар шийдвэрлэсэн байна.