Нийслэлийн Баянзүрх дүүргийн 21 дүгээр хорооны 127 дугаар бүрэн дунд сургуулийн барилга ашиглалтад орж, өнгөрсөн баасан гаригаас сурагчдаа хүлээн авч эхэлжээ.
Улсын төсвийн хөрөнгө оруулалтаар барьсан тус сургууль нь 640 сурагч хүлээн авах хүчин чадалтай. Баянзүрх дүүргийн 27 дүгээр хорооны 780 хүүхдүүд суралцана. Сургуулийн барилгыг “Сити плазе” ХХК барьж гүйцэтгэжээ.
127 дугаар сургуулийн барилгын ажил 2012 онд эхэлсэн хэдий ч хөрөнгө мөнгөний асуудлаас үүдэн зогсоод байсан юм. Иймээс Баянзүрх дүүргийн Засаг дарга Д.Пүрэвдаваа болон удирдлагууд, эцэг эхчүүдийн туслалцаа дэмжлэгтэйгээр ажлыг шуурхайлснаар хүүхдүүд ийнхүү шинэ сургуультай боллоо.