Налайх дүүргийн ойролцоо Бүс нуурын орчимд байрлах нийслэлийн цэвэр усны шугам хагарсан талаар бид өмнө нь мэдээлсэн.
Ус сувгийн удирдах газрынхан газар дээр нь ажиллаж байгаа бөгөөд одоогийн байдлаар цэвэр усныхаа шугамын усыг шавхах ажил үргэлжилж байна гэв.
Цэвэр усны шугамын 4-5 км орчмын усыг бүрэн шавхаж дууссаны дараа хоолойг ухаж гаргаж ирэх ажлыг эхлүүлэх юм байна. Одоогийн байдлаар ажил 30 хувьтай үргэлжилж байна гэж Ус сувгийн удирдах газрынхан мэдээллээ.
Сануулахад, өнөөдөр Налайх дүүргийн орчимд байрлах нийслэлийн цэвэр усны шугам хагарч, их хэмжээний ус цацарсан. Энэхүү дуудлага Ус сувгийн удирдах газар өнөөдөр 06.45 цагт ирсэн байна. Дуудлагын дагуу Ус сувгийн удирдах газрын ажилтнууд газар дээр нь шуурхай арга хэмжээ аван ажиллаж байгаа юм.
Цэвэр усны шугам хагарснаар нийслэлийн иргэдийн цэвэр усны хангамжийг зогсоохгүй, нөөц шугамаа ашиглаж байна.