Пауэрлифтингийн хоёр дахь удаагийн улсын аварга шалгаруулах тэмцээн өчигдөр Спортын төв ордонд эхэллээ. Уг тэмцээнд Увс, Архангай, Өвөрхангай, Булган, Улаанбаатар зэрэг аймаг хотуудаас 23 клубын 240 гаруй тамирчин оролцож байна.
Уг тэмцээн нь суулт, хэвтээ шахалт, газраас татах гэсэн гурван төрлөөр явагдах аж. Холбооны нарийн бичгийн дарга Д.Баттулга: Нэгдүгээр сард хэвтээ төрлөөр явагдаж байсан бол энэ удаа raw, classic буюу ямар ч хэрэглэлгүй болж байгаа нь онцлог” гэлээ. Мөн энэ удаад допингийн эсрэг төвтэй хамтран тамирчдаас шинжилгээ авч байгаа юм байна. Тамирчид 372 медалийн төлөө 32 жинд өрсөлдөж, маргааш аваргуудаа тодруулах юм байна.
О.ӨНӨР