Өнөөдөр “Боож үхлээ” утааны эсрэг жагсаал Сүхбаатарын талбай дээр 12 цагт болно. Энэхүү жагсаал нь нэг цаг 30 минут үргэлжлэх бөгөөд олны нэртэй одууд ч оролцож байна.
Жагсаалд урлагийнханыг нэгдэх санаачлагыг хөгжмийн зохиолч Л.Чинбат, “Никитон” хамтлагийн дуучин Б.Батчулуун нар гарган бусдыгаа уриалан жагсаал дээр утааны эсрэг гаргасан “Чи” дуугаа дуулахаар болсон. Мөн тэд утааны эсрэг шинэхэн уран бүтээлийнхээ клипний зураг авалтын энэ үеэр хийх юм.
Мөн тэднээс гадна одоогоор ДиЖи Үүрээ тэргүүтэй “Монгол Микс Прожект” компанийн хамт олон утааны эсрэг жагсаалд нэгдэж, жагсаалын үйл ажиллагааны хөтөлбөрийг хариуцан ажиллахаар болжээ.
“Боож үхлээ” жагсаалыг энэ удаа сэтгүүлч Г.Алтантүрүү хөтлөж, “Лемонс” хамтлаг, жазз дуучин Ц.Хулан, “Sweetymotion” хамтлаг, “Mr.Dogs” хамтлаг ая дуугаа өргөж, хөлбөмбөгийн тайлбарлагч Б.Батзаяа жагсагчидтай флашмоб хөдөлгөөн хийх зэргээр оролцох юм байна.
О.ӨНӨР