Гамби улсын Ерөнхийлөгч асан Яахи Жамме өчигдөр эх орноосоо зугтаасан талаар “Ройтерс” агентлаг мэдээллээ. Тэрбээр ийнхүү зугтахдаа төрийн санд байсан 11 сая ам.долларыг авч явсан байна. Мөн Ерөнхийлөгч хувийн онгоцондоо төр барьж байхдаа худалдан авсан тансаг зэрэглэлийн автомашин зэргээ ачаад явсан талаар албаныхан өгүүлэв.
Яахи Жамме өнгөрсөн оны арванхоёрдугаар сард зохион байгуулагдсан Ерөнхийлөгчийн сонгуульд ялагдал хүлээсэн бөгөөд ялалт байгуулсан Адама Барроуд эрх мэдлээ шилжүүлэн өгөхөөс татгалзсан юм. Түүнийг өөрийн хүсэлтээр огцрохгүй бол Сенегал улс Гамби руу цэргээ оруулахаа мэдэгдсэн билээ. Улсын сангаа хоосолж зугтаасан экс Ерөнхийлөгч Чад улсад орогнож буй гэнэ. Мөн Гамби улсын шинэ Ерөнхийлөгч Адама Барроу түүнийг нэн даруй баривчлахыг албаныханд даалгажээ.