Эрт урьдын цагт Эзэн Чингис ч төрөхөөс өмнө Намжил нэрт нэгэн хүү бурхны оронд очиж, эрдэм сурахаар явсан агаад түүнд тохиолдсон элдэв сонин хэрэг явдлын талаар өгүүлэх “Царцаа Намжил” хүүхдийн жүжгийг УДЭТ-ын уран бүтээлчид тоглох гэж байна.
Тус театрын хамт олон БСШУСЯ-ны “Хүүхдэд зориулсан уран бүтээл”-ийн төслийн уралдаанд шалгарсан Я.Баяраа, Б.Хишигзаяа нарын Монгол ардын үлгэр “Царцаа Намжил”-аас сэдэвлэн бичсэн зохиолыг тайзны бүтээл болгохоор бэлтгэж байгаа ажээ.
Хүүхдийн уран бүтээлийн урын санг шинэ бүтээлээр баяжуулан үзэгчдийн хүртээл болгох, Монгол ардын аман зохиол, үлгэрийн өгүүлэмж үйл явдлаар дамжуулан хүүхэд багачуудад эрдэм боловсролын чухлыг таниулж өв соёл, зан заншлаа эрхэмлэн дээдлэх хүсэл эрмэлзэлд хөтлөн төлөвшүүлэх зорилгоор ийнхүү бэлтгэж байна.
Жүжгийн нээлт хоёрдугаар сарын 5-нд УДЭТ-ын тайзнаа болно.
Найруулагаар Б.Хишигзаяа, зураачаар Л.Цэрэндулам, хөгжмийн зохиолчоор Б.Цацрал, хөдөлгөөний найруулагчаар Г.Ган-Очир ажилласан байна.
Харин дүрүүдэд царцаа Намжилд Б.Золжаргал, номын багшид С.Болд-Эрдэнэ, Ц.Цэрэнболд, банди нарт О.Итгэл, Р.Адъяабаатар, Н.Сэргэлэн, Г.Очирбат, хэрээнд Б.Одончимэг, тогоcт Ц.Аззаяа, сүүлгүй хулганд Б.Шинэбаяр, хулганд Б.Жаргалсайхан, Д.Асардарь, мууранд Э.Тодгэрэл, тэмээнд Ц.Төгсбилэгт, буганд Г.Алтангэрэл, согоонд Г.Номуун, эрлэг номун хаанд Ардын жүжигчин П.Цэрэндагва, Ж.Пүрэвдорж, хатанд гавьяат жүжигчин Ж.Оюундарь, түшмэлд А.Чингүн, Г.Ганбат, эмгэн шивэгчинд Б.Золзаяа нар тоглохоор болжээ.