Жүдо бөхийн насанд хүрэгчдийн эрэгтэй 40, эмэгтэй 25, багийн 5 дахь удаагийн УАШТ өчигдөр эхэлсэн билээ. Өнөөдөр хоёр дахь өдрөө үргэлжилж буй тэмцээнд Олимпийн аварга Н.Түвшинбаяр зодоглож байна. Тэрээр жин өгсөж +100 кг-д барилдаж буй юм. Эхний тойрогт “Сүлд” спорт хорооны тамирчин аймгийн арслан А.Даваанямыг торгуулиар ялсан бол дараагийн тойрогт Б.Бат-Эрдэнэтэй барилдана.
Энэ удаагийн Улсын аварга шалгаруулах бөхийн жүдо барилдаанд 76 багийн 367 жүдоч өрсөлдөж байна.