Энэ сарын 11-ний өдөр, АНУ-ын Ерөнхийлөгчөөр сонгогдсон Дональд Трампын
анхны хэвлэлийн бага хурал болох талаар түүний туслах Келлиэнн Конуэй
CNN-д мэдээлснийг олон улсын хэвлэлүүд онцолж байна. Өнгөрсөн оны 11
дүгээр сарын 8-нд Дональд Трамп АНУ-д болсон Ерөнхийлөгчийн сонгуулиар
ялалт байгуулсныхаа дараа 12 дугаар сард хэвлэлийн бага хурал хийлгэнэ
хэмээн мэдэгдэж байсан ч хугацаа нь хойшилсон талаар түүний төлөөлөгчид
мэдэгдсэн билээ. Америкийн хэвлэлүүд Ерөнхийлөгчөөр сонгогдсон Дональд
Трамп хэвлэл мэдээллийнхэнтэй олон нийтийн Твиттер сүлжээ болон мужуудад
хийж буй уулзалтууд дээрхи мэдэгдлээрээ харьцах болсныг ч тэмдэглэж
байна.