УИХ-ын чуулганы үдээс хойших хуралдаанаар Хөгжлийн банкны талаар авах зарим арга хэмжээний тухай УИХ-ын тогтоолын төслийн эцсийн хэлэлцүүлгийг хийсэн байна. Гишүүдийн 79.6 хувийн дэмжлэг хүлээн батлагдлаа. Уг тогтоол батлагдсанаар Хөгжлийн банкны дүрмийн санг нэг их наяд төгрөгөөр үе шаттай нэмэгдүүлэх боломжтой болсон байна. Мөн Монгол Улсын Хөгжлийн банк, Засгийн газар хооронд улсын төвөөс эргэн төлөгдөх нөхцөлтэй үүссэн өр, авлагыг харилцан суутгах замаар шийдвэрлэж, зохистой харилцааны төвшинг сайжруулах болж байгаа аж. Уг арга хэмжээг авч хэрэгжүүлснээр Хөгжлийн банкны санхүүгийн суурь үзүүлэлтүүд сайжирч, цаашид шинээр эх үүсвэр татан төвлөрүүлж, гэрээгээр хүлээсэн үүргээ биелүүлэх боломж бүрдэх юм байна. Ингээд УИХ-ын чуулганы нэгдсэн хуралдааныг өндөрлүүлжээ.