Үндэсний статистикийн хорооноос энэ оны мал тооллогын урьдчилсан дүнг мэдээллээ. 2016 оны жилийн эцэст мал сүргийн нийт дүн 61 сая 542 мянган толгойд хүрчээ.
Энэ нь өнгөрсөн оноос 9.9 хувь буюу 5562.3 мянгаар өссөн үзүүлэлт юм байна.
Урьдчилсан дүнгээр адуу 3634.9 мянга, үхэр 4080.3 мянга, тэмээ 401.3 мянга, хонь 27853.4 мянга, ямаа 25572.2 мянгад хүрчээ.
Нийт мал сүргийн дотор адуу 5.9, үхэр 6.6, тэмээ 0.7, хонь 45.3, ямаа 41.6 хувийг эзэлж буйг статистикчид онцолж байна. Тодруулбал хамгийн олон мал тоолуулсан эхний таван аймагт Өвөрхангай, Хөвсгөл, Архангай, Төв, Баянхонгор аймгууд багтжээ.
Харин Архангай, Баян-Өлгий, Баянхонгор, Булган, Говь-Алтай, Дорнод, Дундговь, Завхан, Өвөрхангай, Өмнөговь, Сэлэнгэ, Төв, Увс, Ховд, Хөвсгөл, Хэнтий, Дархан-Уул, Орхон, Говьсүмбэр зэрэг 18 аймаг, Улаанбаатар хот малаа таван төрөл дээр өсгөжээ.
