Хан-Уул дүүргийн 12 дугаар хороонд гэртээ үлдсэн бага насны гурван хүүхэд шатаж, нас барсан хэрэг гарчээ. Тодруулбал, “Зээлийн барилгын хажууд гэр шатаж байна” гэсэн дуудлагын дагуу Хан-Уул дүүргийн онцгой байдлынхан хэргийн газарт очиж ажилласан байна.
Шатсан гэрт тус хороонд суух Г (эрэгтэй, 5 настай), Н (эмэгтэй, 4 настай), Ц (эрэгтэй, 07 сартай) нар гэртэйгээ шатаж нас баржээ. Одоогийн байдлаар галын шалтгаан болон дүгнэлт гараагүй байгаа бөгөөд энэхүү хэргийг Хан-Уул дүүргийн цагдаагийн хоёрдугаар хэлтэс шалгаж байна.
Мөн Төв аймгийн Мөнгөнморьт суманд амьдардаг 74 настай иргэн Т-ийн өвлийн байшинд өнгөрсөн шөнө гал гарч, тэрээр хоёр охины хамт амиа алджээ. Гэрт байсан таван настай охин эмнэлэгт хүргэгдсэн байна. Хэргийг Мөнгөн морьт сумын цагдаагийн хэлтэс шалгаж эхэлжээ.