Сүхбаатарын талбайн сүлд модны гэрэл асаах ёслол өнөөдөр 18:00 цагаас болно. Жанжин Сүхбаатарын талбайн гацуурыг энэ арванхоёрдугаар сарын 15-ны өдрөөс засч эхлэсэн бөгөөд хуучин гацуураа сэргээн засч байгаа талаар албаныхан хэлсэн юм.
Төв талбайд сүндэрлэх гацуур нь 21 метр өндөртэй аж. Энэхүү хотын хамгийн өндөр гацуурыг төмөр арматураар угсарсан бөгөөд 600 ширхэг хиймэл ногоон гацуур зүүсэн байна. Мөн энэхүү гацуурыг тойрон 800 ширхэг буюу 8000 метр урттай шар лед гэрлээр гоёжээ. Харин энэ жил Төв талбайн гацуур маань шар, цагаан өнгөөр гэрэлтэн асах нь ээ.
Энэ жилийн төв талбайн гацуурыг гэрэлтүүлэг чимэглэлийн компанийн 20 ажилчин засч, чимэглэжээ. Ийн шинэ он айсуй энэ л өдрүүдэд төв талбайн мөсөн гулгуурын талбай болон гацуураа асаахад бэлэн болжээ.