Монгол бөхийн түүхэн дэх арван засгийн наадмыг орлох Дөрвөн уулын хишиг барилдааны цуврал Богдхан хайрханы нэрэмжит улс аймгийн алдар цолтой хүчит бөхийн барилдаан эхэллээ.
Өнөөдрийн барилдаанд Увс аймгийн Баруунтуруун сумын уугуул улсын аварга Сүхбаатарын Мөнхбат, Увс аймгийн Давст сумын харьяат улсын арслан Пүрэвийн Бүрэнтөгс, Намсрайжавын Батсуурь, Ренчинбямбын Пүрэвдагва, Төв аймгийн Баянхангай сумын уугуул улсын заан Батзоригийн Баянмөнх, Хөвсгөл аймгийн Тосонцэнгэл сумын харьяат улсын харцага Цэдэвийн Содномдорж, Нямаагийн Батзаяа нарын зэрэг улс аймгийн алдар цолтой 256 бөхийн барилдаа болж байна.
Дөрвөн уулын хишиг барилдааны цуврал Богдхан хайрханы нэрэмжит барилдааны өдгөө 11 дэх жилдээ зохион байгуулж байна. Түрүү жилийн барилдаанд улсын харцага Ц.Содномдорж түрүүлж улсын арслан П.Бүрэнтөгс үзүүрлэсэн билээ.