ОУЖБХ-ны “Токиогийн их дуулга” тэмцээнд оролцож буй МУГТ Д.Сумьяа сая хагас шигшээд үлдэх эрхийн төлөө барилдаанаа дэвжээний эзэн орны бөх Мегуми ишикаватай хийж, нэмэлт цагт юүко үнэлгээгээр яллаа. Манай бөх үүнээс өмнө эхний тойрогтоо хийлж, хоёрдугаар тойрогтоо япон гаралтай Тайландын бөх Юрико Варишаг ялаад байсан юм. Манай бөх хагас шигшээд Японы Ёшида Цукаса, АНУ-ын Марти Маллой нарын ялсантай барилдана. 60 кг-ын жинд өрсөлдөж буй МУГТ Д.Амартүвшин БНСУ-ын бөхийн ялж шөвгийн наймд үлдсэн. Тэрээр хагас шигшээд үлдэхийн төлөө Японы Рюжюү Нагаяматай барилдана.