Нийслэлийн Засаг дарга бөгөөд Улаанбаатар хотын Захирагч С.Батболд өнөөдөр иргэдтэй уулзах ээлжит уулзалтаа Дүнжингарав худалдааны төвийн нийслэлийн үйлчилгээний нэгдсэн төвд хийлээ.
Уулзалтын үеэр иргэд тулгамдаж буй асуудлуудаа хотын захирагчид танилцуулсан бөгөөд энэ үеэр нэгэн иргэн өөрийн зохион бүтээсэн цас арилгах төхөөрөмжөө хотын даргад танилцуулсан юм. Ц.Оргилболд нь уг бүтээлээ анх 2012 онд “Залуу зохион бүтээгч” тэмцээнд танилцуулж хоёрдугаар байрт шалгарч байжээ. Түүнээс хойш төхөөрөмжөө 28 удаа шинэчилсэн, сайжруулсан байна.
Тэрээр төхөөрөмжийнхөө борлуулалтын тал дээр хотын даргаас дэмжлэг хүсч байгаагаа илэрхийллээ.
О.ӨНӨР