АНУ-ын Ерөнхийлөгчийн сонгуульд ялалт байгуулсан Доналд Трамп ард түмэндээ хандан үг хэллээ. Тэрбээр: “АНУ-ын Ерөнхийлөгчийн сонгуулийн дүн гарлаа. Ард түмэндээ туйлаас их баярлалаа. Би өнгөрсөн хугацаанд та бүхэндээ найдаж байсан. Бүхий л заавар зөвлөгөөгөө та нараас л авч байлаа. Бидний хувьд гайхамшигтай хөдөлгөөнийг өрнүүлж чадлаа. Амеркийн ард түмэн бол төрөл бүрийн үндэстэн угсаатнаас бүрддэг. Бид одоо хамтдаа улс үндэстнээ дахин сэргээхийн төлөө ажиллах болно. Бид бусад улсуудын чадвар бололцоонд ч гэсэн итгэх ёстой.
Бид эх орноо бүрдүүлж байгаа олон үндэстэнд анхаарал хандуулах ёстой. Сургууль, зам гүүр барих ёстой. Улс үндэстнийхээ төлөө тулалдсан агуу ахмад дайчдаа хүндэтгэх ёстой. Бид 18 сарын турш өрсөлдлөө. Одоо эдийн засгийн төлөвлөгөөгөө дахин боловсруулах болно. Бидэнтэй хамт явах тэдгээр улсуудыг ч уриалах болно. Бид мөрөөдлөө биелүүлэхийн тулд энэ хэцүү аян замд гарах ёстой. Бид гайхамшигтай үйл явдлын гэрч боллоо.
Хамгийн түрүүнд Америкийн эрх ашгийг эрхэмлэнэ. Манай улсыг агуу болгох тэр түншлэлийг хэрэгжүүлэх болно. Агуу ард түмэн та бүхэндээ талархал илэрхийлэхийг дахин хүсч байна. Эцэг эх, дүү нартаа талархал илэрхийлье. Миний ах Ром тэнд зогсож байна. Мөн бурхны оронд очсон ахыгаа дурсъя. Би үнэхээр гайхамшигтай аав ээж, ах дүүтэй хүн. Эхнэр Мелания, хүү Эрик, охиндоо баярлалаа гэж хэлье. Миний сонгуульд үнэхээр авьяастай, мундаг хүмүүс оролцсон. Хиллари Клинтоны хувьд үнэхээр хүнд хэцүү хатуу өрсөлдөгч байлаа. Би эх орондоо хайртай” гэлээ.
О.ӨНӨР