Сүүлийн жилүүдэд Хөвсгөл нуурыг зорих жуулчдын тоо нэмэгдэж байгаа холбогдуулан БОАЖЯ, Азийн хөгжлийн банк хамтран Хөвсгөл нуур дагуу аялал жуулчлал хөгжүүлж, гол бүс болгох урт хугацааны төсөл хэрэгжүүлж эхэлжээ.
Уг төслийн хүрээнд Ханх, Хатгал суманд аялал жуулчлалын сургалтын хөтөлбөр хэрэгжүүлж, бичил бизнес эрхлэгчдийг дэмжих юм байна. Энэхүү төсөл нь хоёр үе шаттай бөгөөд эхний үед буюу 2016-2019 онд Хөвсгөл нуурын байгалийн цогцолбор газарт орших таван сумын иргэдийн амьжиргааг дэмжиж ажиллах аж.
Харин төслийн хоёрдугаар шатанд нуур орчмын дэд бүтцийг сайжруулж, хог хаягдлыг шийдэх, дугуйн болон гүйлтийн зам тавьж, нарны эрчим хүчээр ажилладаг жуулчны баазын загвар бий болгох юм байна. Төслийг Японы Ядуурлыг бууруулах сангаас санхүүжүүлэхээр болжээ.