Курдын талыг баримтлагч, Туркийн сөрөг хүчний Ардын ардчилсан намын хоёр удирдагчийг баривчилсан талаар “www.dailymail.co.uk” мэдээллээ.
Ерөнхийлөгчийн терроризмтой тэмцэх ажиллагааны хүрээнд Селахаттин Демирташ, Фиген Юксекдаг нарыг гэрээс нь баривчилсан хэмээн Туркийн аюулаас хамгаалах хүчний хэвлэлийн алба мэдээлсэн байна. Мөн тэдний хамтаар есөн хүнийг баривчилжээ.
Цагдаагийн байгууллагаас тэднийг нийгмийн сүлжээнд нэвтрэхийг хатуу хориглосон байна.
Баривчилгаа эхлэхээс хэдхэн минутын өмнө Селахаттин Демирташ твиттер хуудастаа “Намайг баривчиллаа” гэж жиргэжээ. Намын дэмжигчид эмх замбараагүй байдал үүсгэхээс урьдчилсан сэргийлж, ийнхүү нийгмийн сүлжээнд нэвтрэхийг хориглосон гэнэ.