Монголын Үндэсний сагсаг бөмбөгийн холбооноос жил бүр зохион байгуулдаг Үндэсний лигийн тэмцээн энэ жил илүү сонирхолтой болох гэж байна. Тодруулбал,Эрдэнэт хотын “Икон” баг, Улсын аварга С.Мөнхбатаар ахлуулсан Увс аймгийн багтай өрсөлдөх юм.
Харин Азийн оюутны аварга Б.Дархантөгс, Азийн Элсний наадмын мөнгөн медальт Э.Цэрэнбаатар, Улсын арслан Д.Ганхуягаар ахлуулсан Өвөрхангай аймгийн баг, чөлөөт бөхийн хүнд жингийн нүүр царай болсон ОУХМ, Улсын начин Ж.Чулуунбатаар ахлуулсан Баянхонгор аймгийн багтай өнөөдөр эхний тоглолтоо хийнэ.
Мөн Архангай аймгаас СТА Э.Цолмонбаяр, Улсынарслан Р.Пүрэвдагва, ОУХМ Г.Баттөр, ОУХМ Ц.Мэргэн, Э.Дорж-Арилд, Э.Цэвэлдорж нар, Азийн элсний наадмын мөнгөн медальт ОУХМ Д.Дэлгэрням, Улсын заан Б.Батмөнхөөр ахлуулсан Төв аймгийн Ургац багтай тоглох ажээ.
Тоглолтын талаар Монголын Үндэсний сагсан бөмбөгийн холбооны ерөнхий нарийн бичгийн дарга С.Тулга “Энэхүү тэмцээн нь тамирчид нутгаа төлөөлөн тоглохоороо онцлогтой.Тухайн аймгийн багт дээд лигийн дөрвөн тоглогч, Спрайт супер лигийн тамирчид болон бөхчүүд тоглоно.Багуудын хувьдтэмцээнд тоглох, хожил авах нь их чухал. Тэмцээний онцлог ньсагсан бөмбөгийн улирлыг уртсгах, тамирчдад ур чадвараа дээшлүүлэх ач холбогдолтой юм. Мөн тамирчдад санхүүгийн хувьд боломж олгож байгаа. Тэд нутгийнхаа багаас тоглож, цалин урамшуулал авах бүрэн бололцоотой юм. Мөн хөдөө орон нутгийн хүүхэд залуучууд нутгийнхаа багийн тоглолтыг харж, сагсан бөмбөгөөр хичэээллэх хүсэл эрэмзлэл нь улам их нэмэгдэнэ. Дотоодын өрсөлдөөнөө улам эрчимжүүлэх үүднээс 21 аймгийн лигийг эхлүүлж байна. Багуудын тоглотын сугалаа өчигдөр явагдаж дууссан. Тэмцээн өнөөдрөөс албан ёсоор шууд эхэлнэ.” гэлээ.
Та бүхэнд тоглолтын хуваарийг хүргэе.
