11-р сард өдөртөө 10-15 хэмийн хүйтэн байна
Энэ сард Хангайн уулархаг нутгаар 14-19 градус, төвийн нутгаар Хөвсгөлийн уулархаг нутгаар 14-19 градус, Зүүн зүгийн нутгаар ихэнх нутгаар дундаж температур 8-13 градус хүйтэн байх ба Хэнтийн ихэнх, Дорнодын хойд хэсгээр олон жилийн дунджаас бага зэрэг дулаан байна.
Говийн нутгаар дунджаар 6-11 градус хүйтэн байна. Дундговь, Говьсүмбэрийн хойд хэсгээр олон жилийн дунджаас бага зэрэг дулаан байна.
Гуравдугаар арав хоногт Дархадын хотгор, Хараа, Ерөө, Туул, Тэрэлж голуудын сав дагуух нутгуудаар шөнөдөө 28-33 градус өдөртөө 17-22 градус хүйтэн, бусад нутгаар шөнөдөө 20-25 градус, өдөртөө 10-15 градус хүрч хүйтрэх төлөвтэй байна.
Ерөнхийдөө энэ сард хөдөө аж ахуйн үйлдвэрлэлийн нутгийн хувьд хойд болон төвийн хэсгээр олон жилийн дунджаас дулаан байх төлөвтэй. Ихэнх нутгаар цас ахиу орж, агаарын температур олон жилийн дунджаас дулаан байна. Цасан бүрхүүл тогтож, мөстөж хатууран малын хариулаг маллагаа, зам тээврийн ажилд таагүй нөхцөл байдал үүсч болохыг анхааруулж байна.