Сэлэнгэ аймгийн Сайхан сумын Номгон багийн Хар-Усан тохой гэдэг газар иргэн 38 настай, иргэн М загасчилж яваад Орхон голын усанд осолдож, сураггүй алга болсон тухай дуудлага аймгийн Онцгой байдлын газарт энэ сарын 23-нд ирсэн билээ.
Улмаар эл дуудлагын дагуу Дархан-Уул аймгийн Онцгой байдлын газрын 19 алба хаагч, хоёр автомашин, ар гэрийн дөрвөн хүн, дөрвөн техник хэрэгсэлтэйгээр эрлийн ажиллагааг эхэлсэн юм.
Харамсалтай нь өчигдрөөс эхлэн эрлийн ажиллагааг түр хугацаагаар зогсоожээ.
Онцгойгийнхон энэ хугацаанд нийт 52 км газар эрэн, хайх ажил явуулсан байна.