“iPhone 7” гар утсыг Монгол Улсад албан ёсоор худалдаалагдах үнэ тодорхой боллоо. Тухайлбал, “MobiCom” корпораци ирэх баасан гарагаас эхлэн “iPhone 7”-ийг нэг сая 996 мянган төгрөгөөр худалдаанд
“MobiCom” корпораци “Apple”-ийн шинээр гаргасан “iPhone 7”-ийн урьдчилсан захиалгыг нь авч эхэллээ. Зургийг: express.co.uk
гаргах гэж байна. Энэ нь өнгөрсөн онд худалдаанд гаргасан “iPhone 6S Plus”-ийн үнэтэй ижил байгаа юм. Өнгөрсөн долоо хоногт урьдчилсан захиалгыг нь авч эхэлсэн энэхүү гар утасны үнэ валютын ханшаас хамааран доод тал нь хоёр сая төгрөг хүрнэ гэсэн таамаг байсан юм. “Apple”-ийн шинээр гаргасан “iPhone 7” 32, 128, 256 гигабайтын хатуу санах ойн сонголттойгоор өнгөрсөн сард гол зах зээлүүдэд худалдаанд гараад байна. Харин дотоодын үүрэн холбооны компани “iPhone 7”-ийг санах ойн багтаамжаас нь хамаарч, нэг сая 996 мянга, хоёр сая 304 мянга, хоёр сая 611 мянган төгрөгөөр үнэлж байна. Нэгээс хоёр жилийн хугацаатайгаар лизингээр авах тохиолдолд урьдчилгаа нь 508-919 мянган төгрөг байх ажээ. Өмнө нь лизингээр авсан гар утасных нь зээлийн хугацаа дуусаагүй байгаа ч гар утсаа сайжруулах хүсэлтэй бол зээлийн гэрээний хугацаанаас хамааран 2-6 сарын үлдэгдэлтэй тохиолдолд шинийг авч болох юм байна.