Нийгмийн сайн сайхны
төлөө “Эрүүл энхийн мянган жаргалан” уриан дор хүсэл зорилгоор нэгдсэн
жиргээчид Дундговь аймгийн Баянжаргалан сумын эмнэлэгт түргэний авто машин
бэлэглэх аяныг зохион байгуулахаар болжээ.
Энэхүү аян
аравдугаар сарын 1-нээс 11 дүгээр сарын 1-н хүртэл үргэлжлэх юм байна.
Дундговь аймгийн Баянжаргалан сум нь Улаанбаатар хотоос 300 км, аймгийн
төвөөсөө 150км, төмөр замаас 80км-ийн зайд байрладаг. Мөн түргэний машин
жилд дунджаар дуудлаганд 25000-30000 км замыг туулдаг бөгөөд гурван жилийн
өмнөөс түргэний машинд техникийн эвдрэлүүд гарч, дуудлаганд явахад хүндрэлтэй
болсон учраас жиргээчид сайн үйлсийн аян зохион байгуулж туслахаар шийджээ.
Энэ талаар сумын эмч
нар Эрүүл мэндийн яаманд гурван удаа, Дундговь аймгийн Эрүүл мэндийн газарт
таван удаа хандсан боловч хариу өгөөгүй байна.
Түүнчлэн жиргээчид
өнгөрсөн жил “1000 хүүхэд 1000 бэлэг” аяныг сошиал ертөнцөд зохион
байгуулж, нийслэлийн зургаан дүүргийн алслагдсан сургуулийн 1300 гаруй хүүхдэд
“АСА” циркийн 2015 оны шилдэг үзүүлбэрийг үзүүлэн мөн шинэ жилийн
бэлэг гардуулсан байна.